DATA ANALİTİKA
Məlumat var, cavab yoxdur
Şirkətlərin çoxunda data artıq toplanır — satış sistemində, CRM-də, mühasibatlıqda. Problem toplamaqda deyil, ondan qərar çıxarmaqdadır.
NƏ EDİRİK
Xidmət imkanları
Data auditi
Hansı data var, hansı keyfiyyətdə və hansı boşluqlarla. Hər təhlildən əvvəlki ilk addım — çünki səhv data səhv qərar deməkdir.
Hesabat və idarəetmə paneli
Əl ilə yığılan Excel hesabatları Power BI paneli ilə əvəz olunur. Göstəricilər özü yenilənir, kəsimləri özünüz edirsiniz.
Təsviri analitika
Nə baş verdi: satış dinamikası, kanal və məhsul performansı, müştəri davranışının zaman üzrə dəyişməsi.
Diaqnostik analitika
Niyə baş verdi: hansı amilin nəticəyə nə qədər töhfə verdiyi reqressiya ilə ölçülür. Korrelyasiya ilə səbəb qarışdırılmır.
Proqnoz modelləri
Nə gözlənilir: tələb və satış proqnozu, müştəri itkisi riski, mövsümi dalğalanmanın modelləşdirilməsi.
Müştəri seqmentasiyası
Baza davranışa görə qruplara bölünür (RFM, klaster analizi). Hər seqment üçün ayrı yanaşma qurulur.
A/B test dizaynı. Dəyişikliyin real təsirini ölçmək üçün testi əvvəlcədən düzgün qurmaq lazımdır — nümunə həcmi, müddət və uğur meyarı. Sonradan baxıb «yaxşılaşdı» demək ölçmə deyil.
NƏTİCƏ
Layihənin sonunda nə alırsınız?
- Təhlil hesabatı — nəticələr, qrafiklər və konkret tövsiyələr
- Power BI dashboard — kəsimləri özünüz edə bilərsiniz
- Təmizlənmiş data bazası — kod kitabı ilə birlikdə
- Metodoloji qeyd — hansı üsulla və hansı fərziyyələrlə işlədiyimiz
- Təqdimat sessiyası — nəticələrin canlı müzakirəsi
NÖVBƏTİ ADDIM
Datanızda nə olduğuna birlikdə baxaq
Mövcud məlumatınızı qısa auditdən keçirib nə çıxara biləcəyimizi göstərək.