HAQQIMIZDA
DataNest haqqında
Bu sahədə qərarlar çox vaxt təcrübə və rəy əsasında verilir. Biz əvvəlcə ölçürük — bazar araşdırmasından proses optimizasiyasına qədər qərar eyni yerdən başlayır: rəqəmdən.
KİMİK
DataNest nə iş görür
DataNest məlumatı toplamaqla kifayətlənmir — onu strukturlaşdırır, analiz edir və biznesinizin qərar verə biləcəyi aydın nəticələrə çevirir. Daxili məlumatlarınızı sahədən topladığımız bazar datası ilə birləşdirərək tam mənzərə yaradırıq.
Adımızdakı «Nest» (yuva) elə bu yanaşmanı ifadə edir: bütün məlumat axınları bir mərkəzdə toplanır, orada analiz olunur və qərara çevrilir.
Bazarı, şirkətin öz datasını, komandanı və prosesləri ölçürük. Metodlar fərqlidir, prinsip eynidir: əvvəlcə ölç, sonra qərar ver.
DƏYƏRLƏRİMİZ
Nəyə söykənirik
Fakt, fərziyyə yox
Hər nəticə real datadan doğur. Rəy deyil, sübut təqdim edirik.
Şəffaf metodologiya
Hansı metodla, hansı seçmə üzərində və hansı xəta payı ilə işlədiyimizi hesabatda açıq göstəririk.
Qərara çevrilən nəticə
Hesabat rəfdə qalmasın deyə, konkret addımlara çevrilən tövsiyələr veririk.
İSTİQAMƏTLƏR
Nəyi ölçürük
Dörd istiqamətdə işləyirik. Hər birində eyni sual var: bu qərarın arxasında hansı rəqəm dayanır? Dəyişən yalnız alətdir.
Bazar araşdırması
Nəyi ölçürük: bazarın həcmi, müştəri davranışı və məmnuniyyət səviyyəsi.
Alət: nümunə həcmi və xəta payı əvvəlcədən hesablanır; CATI, onlayn anket və üzbəüz sorğu, gündəlik sahə nəzarəti ilə.
Data analitika və təhlil
Nəyi ölçürük: şirkətin öz sistem datası — satış, müştəri və əməliyyat göstəriciləri.
Alət: datanın təmizlənməsi və seqmentasiyası, reqressiya və proqnoz modelləri, Power BI panelində canlı izləmə.
İnsan resursları konsultasiyası
Nəyi ölçürük: faktiki iş yükü, komandanın səriştə səviyyəsi və təlim ehtiyacı.
Alət: iş vaxtının ölçülməsi, səriştə şkalası üzrə qiymətləndirmə, eNPS və struktur müsahibələr.
Proses optimizasiyası
Nəyi ölçürük: prosesin real icra müddəti, dar boğazlar və risklər.
Alət: xronometraj, proses xəritəsi, RACI məsuliyyət modeli, ehtimal × təsir risk matrisi.
PROSES
Necə işləyirik
01
Brif və dizayn
Məqsəd, əhatə dairəsi, metod və ölçmə parametrləri razılaşdırılır. Alət hazırlanır və kiçik pilotdan keçirilir.
3–5 gün
02
Ölçmə
Data toplanır — sahə sorğusu, sistem datası, müşahidə və ya xronometraj, layihənin tipindən asılı olaraq. Gündəlik irəliləyiş hesabatı və keyfiyyət göstəriciləri sizinlə paylaşılır.
2–4 həftə
03
Analiz
Data təmizlənir, uyğun statistik analizdən keçirilir və nəticəyə təsir edən əsas amillər müəyyən olunur.
1–2 həftə
04
Təqdimat
Hesabat təhvil verilir və canlı sessiyada nəticələr birlikdə müzakirə olunur.
1 gün
NÖVBƏTİ ADDIM
Layihənizdən danışaq
Məqsədinizi deyin — metod, əhatə və müddət üzrə konkret təklif hazırlayaq.