PROSES OPTİMİZASİYASI
İşin harada yavaşladığını rəqəmlə göstəririk
Hər şirkətdə «həmişə belə olub» deyilən proseslər var. Onları xəritəyə salır, hər addımın vaxtını və xərcini ölçür, darboğazı tapırıq.
NƏ EDİRİK
Xidmət imkanları
Proses xəritəsi
Mövcud iş axını (AS-IS) addım-addım çəkilir: kim edir, hansı sistemdə, nə qədər müddətə, kimə ötürür.
İş vaxtının ölçülməsi
Addımların faktiki müddəti sahədə ölçülür. Təxmin yox, xronometraj — çünki «təxminən 10 dəqiqə» ilə real 26 dəqiqə arasındakı fərq büdcədir.
Darboğaz analizi
Prosesin hansı nöqtəsində vaxtın və xərcin toplandığı müəyyən edilir. Bir addım çox vaxt bütün axını saxlayır.
Yenidən dizayn (TO-BE)
Artıq addımlar çıxarılır, ardıcıllıq dəyişdirilir, yeni axın modelləşdirilir və gözlənilən qazanc əvvəlcədən hesablanır.
Avtomatlaşdırma imkanları
Hansı addımların texnologiya ilə əvəz oluna biləcəyi və bunun real qaytarımı — hər şeyi avtomatlaşdırmaq həmişə sərfəli deyil.
Ölçü sistemi və SLA
Yeni prosesin işlədiyini göstərən göstəricilər qurulur ki, nəticə layihə bitəndən sonra da izlənsin.
RACI modeli
Hər addım üçün kimin icraçı, kimin cavabdeh, kimin məsləhətçi və kimin məlumatlandırılan olduğu dəqiqləşdirilir. «Bunu kim edir?» sualı bir daha qalmır.
Risk qiymətləndirməsi
Prosesin zəif nöqtələri müəyyən edilir və hər risk ehtimal × təsir matrisi ilə qiymətləndirilir. Kritik risklər üçün nəzarət tədbiri və məsul şəxs təyin olunur.
Xidmət prosesini müştəri gözü ilə ölçmək lazımdırsa — gizli müştəri metodumuz proses analizini kənardan obyektiv müşahidə ilə tamamlayır. Gizli müştəri araşdırmaları →
NƏTİCƏ
Layihənin sonunda nə alırsınız?
- Proses xəritəsi — AS-IS və TO-BE, vaxt göstəriciləri ilə
- Darboğaz hesabatı — hansı addım nə qədər vaxt və xərc aparır
- Yenidən dizayn təklifi — gözlənilən qazancın hesablanması ilə
- Tətbiq planı — addımlar, məsul şəxslər, müddətlər
- Ölçü paneli — nəticənin davamlı izlənməsi üçün
NÖVBƏTİ ADDIM
Hansı prosesin yavaşladığını bilirsiniz?
Bir prosesi seçək, ölçək və nə qədər vaxt itirildiyini rəqəmlə göstərək.